New role of patwaris in punjab / نئے پٹواریوں کی بھرتیاں / نیا نظام لایا جا رہا ہے۔

بسم اللہ الرحمٰن الرحیم

 السلام علیکم

03-05-21

پچلے چند ہفتوں سے مختلف اضلاع سے پٹواری بھرتی کے اشتہارات آ رہے ہیں ، اس سے قبل حکومت کا یہ ایجنڈا تھا کہ پٹواری سسٹم کو ختم کرنا ہے، لیکن اب حکومت سینکڑوں کی تعداد میں نئے پٹواری بھرتی کر رہی ہے، ایسا کیوں کیا جا رہا ہے، تو ان بھرتیوں کی اصل وجہ یہ ہے کہ دیہاتوں میں "دیہی مراکز مال" کے نام سے مرکز قائم کیے جا رہے ہیں۔ پہلے بھی دیہاتوں میں پٹواری صاحبان کے دفاتر موجود ہیں  فرق یہ ہے کہ اب ان دفاتر کو ڈیجیٹلائیز کر دیا جاۓ گا پٹواری صاحبان کو لیپ ٹاپ/کمپیوٹرز کی سہولت دی جاۓ گی۔ اور انہیں اراضی ریکارڈ سنٹر کے ڈیٹا تک رسائی ہو گی۔ اراضی ریکارڈ سنٹر سے کمپیوٹرائزڈ فرد دیا جاتا ہے، اور اب پٹواری صاحبان دیہی مراکز مال سے کمپیوٹرائزڈ فرد جاری کر سکیں گے۔ اس کے علاوہ انتقلات کی کاپیاں جو کہ اس سے قبل کمپیوٹر سنٹرز سے جاری کی جاتی ہیں ان کا ریکارڈ اب انہی پٹواری صاحبان کے مراکز سے وصول کیا جا سکے گا۔   اس سے قبل کمپیوٹرائزڈ ریکارڈ کمپیوٹر سنٹر سے حاصل کیا جاتا ہے اور پرانے ریکارڈ کے لیۓ پٹواری صاحبان کی خدمات لی جاتی ہیں لیکن اب اس نئے نظام کے تحت دیہی علاقوں میں رہنے والے لوگ انہی پٹواری صاحبان کے پاس جائیں گے اور مینول کے ساتھ  کمپیوٹرائزڈ ریکارڈ بھی وہی سے حاصل کریں گے۔ انہی مراکز سے کمپیوٹرائزد فرد بھی جاری کیا جائے گا۔  (ڈان نیوز) ممبر بورڈ آف ریوینیو کے مطابق اس نئے نظام کو لانے کی اصل وجہ یہ ہے کہ پٹواری نظام  انتہائی پیچیدہ ہے یہاں تک کہ وکلاء صاحبان کو بھی اسے سمجھنے میں دقت پیش آتی ہے،  اراضی ریکارڈ سنٹر کا عملہ کمپیوٹر کے کام کو جانتا ہے لیکن اس پٹوار نظام اور قانون کو نہیں سمجھتا اس وجہ سے کافی مسائل پیدا ہوتے ہیں۔ اس مسئلے کو زیر غور لاتے ہوۓ یہ طے پایا کہ پٹواری نظام کو ختم نہیں کیا جا سکتا لہٰذا اس نظام کو ختم کرنے کی بجاۓ اسے ماڈرن کرنے کا فیصلہ کیا گیا ھے۔ اس کام کے لئے پٹواری صاحبان کو کمپیوٹرز کی سہولت فراہم کی جائے گی اور انکے لیے مختلف ٹریننگز کا انعقاد بھی کیا جاۓ گا تا کہ وہ ایک ہی پلیٹ فارم سے مینول ریکارڈ کے ساتھ کمپیوٹرائزڈ ریکارڈ بھی جاری کر سکیں۔ اس نظام کا فائدہ یہ ہے کہ مختلف دیہاتوں میں ان مراکز کے بننے سے ورک لوڈ تقسیم ہو جاۓ گا جو کام اس نظام سے قبل تحصیل کے واحد اراضی ریکارڈ سنٹر سے انجام دیا جاتا ہے۔ اس نظام کے بعد کمپیوٹرائزڈ ریکارڈ ان مراکز  سے حاصل کیا جا سکے گا۔ (ڈان نیوز) کے مطابق اس نظام کے آغاز کے لئے ضلح گجرات میں مختلف دیہات میں بارہ (12) مراکز قائم کیۓ گۓ ہیں ۔ان مراکز میں پٹواری صاحبان کو کمپیوٹرز کی سہولت دے دی گئ ہے  اور باقاعدہ کام کا آغاز ہو چکا ہے۔  یہاں سے کامیابی کے بعد اس نظام کا قیام پنجاب کے تمام اضلاع میں کیا جاۓ گا امید کرتے ہیں کہ ان مراکز کے قیام سے سسٹم میں بہتری آۓ گی۔ اس کے علاوہ اراضی ریکارڈ سنٹر جو کہ پہلے سے موجود ہیں وہاں پٹواری صاحبان کوعملہ کی مدد کے لیے بھی تعینات کیا جا سکتا ہے۔ 

تبصرے

ایک تبصرہ شائع کریں

اس بلاگ سے مقبول پوسٹس

اسٹام پیپر پر خریدی گی زمین کو کیسے محفوظ کیا جا سکتا ہے؟

بسم اللہ الرحمٰن الرحیم  السلام علیکم  جب آپ سٹام پیپر پر کوئی رقبہ یا مکان خرید لیتے ہیں، تو ایسے اسٹام پیپر کو کیسے محفوظ بنا سکتے ہیں۔ اس کی قانونی ویلیو کو کیسے بڑھا سکتے ہیں، کہ اگر کل کو  معاملہ عدالت میں چلا جائے تو اسٹامپ پیپر آپ کے کام آ سکے۔ سب سے پہلے تو یہ ذہن میں رکھیں کہ جب بھی زمین فروخت کی جاتی ہے، تو سیل مکمل اسی صورت میں ہوتی ہے جب خریدار کو قبضہ مل جاتا ہے، اور بیچنے والے کو اپنی رقم مل جاتی ہے۔(رجسٹری کروانے کا مکمل طریقہ اس لنک میں موجود ہے) ۔ https://youtu.be/fYG-8NXg4iE  جب یہ  کام مکمل ہو جاتے ہیں، تو آپ سب رجسٹرار آفس میں جا کے رجسٹریشن کروا دیتے ہیں۔ رجسٹری  آپ کا ٹائٹل ڈاکومنٹ، ملکیت کا ثبوت ہو گا۔   زمین کی فروخت کا ایک دوسرا طریقہ جو ہمارے ہاں رائج ہے اور بہت کثرت کے ساتھ لوگ اس کو استعمال کرتے ہیں۔ وہ یہ کہ آپ زمین کی قیمت دے دیتے ہیں زمین کا قبضہ لے لیتے ہیں۔ لیکن ایک اسٹام کے اوپر اپنا یہ معاہدہ تحریر کر دیتے ہیں رجسٹری نہیں کراتے ایسے اسٹام کی اہمیت انتہائی کم ہے۔  مثال کہ طور پر آپ نے پچاس لاکھ روپے کی پراپرٹ...
مزید پڑھیں

What is shamlat / How many types of shamlat / شاملات

تصویر
بسم اللہ الرحمٰن الرحیم  السلام علیکم  یہاں ہم آپ کو شاملات کی اقسام کے حوالے سے بتائیں گے۔ امید ہے کہ آپ کو یہ معلومات فائدہ دے گی۔  شاملات کو آپ تین قسموں میں تقسیم کر سکتے ہیں ۔   ایک وہ شاملات ہے جسے آبادی دہیہ کہتے ہیں۔جو کہ گاؤں کی پرانی آبادی ہوتی ہے ، اسے لال لکیر  اور خسرہ آبادی بھی کہا جاتا ہے۔ یہ شاملات ہے لیکن اس کی نوعیت تھوڑی مختلف ہوتی ہے اس کا ریکارڈ محکمہ مال کے پاس نہیں ہوتا سواۓاس کے کہ ان کے پاس پورے علاقے کا ایک خسرہ نمبر ہوتا ہےاور یہ معلوم ہوتا ہے کہ اس خسرہ کا کل رقبہ کتنا ہے لیکن اس خسرہ میں کس کس نے گھر بنا رکھا ہے یہ انہیں معلوم نہیں ہوتا۔  اب آ جائیں شاملات کی دوسری قسم کی طرف  اسے شاملات دیہہ کہا جاتا ہے۔یہ وہ شاملات ہے جو بعض جگہوں پر آپ کو ہزاروں کنال کے حساب سے بھی ملے گی، اس کے باقاعدہ خسرہ نمبر ہوتے ہیں، ہر خسرہ نمبر پر کسی نہ کسی خاندان کا قبضہ بھرا ہوتا ہےلیکن کسی خاندان کا قبضہ بھرے ہونے کا مطلب یہ نہیں ہےکہ اس کی اتنی ہی جگہ بنتی ہے، جتنی اس کی ادھر حصہ داری لکھی ہوئی ہے، جب کبھی بھی شاملات تقسیم ہو ...
مزید پڑھیں

مختار نامہ خاص اور مختار نامہ عام میں کیا فرق ہے؟

 بسم اللہ الرحمٰن الرحیم السلام علیکم  مختار نامہ خاص اور مختار نامہ عام میں کیا فرق ہے ۔  مختار نامہ خاص کسی خاص مقصد کے لیے دیا جاتا ہے۔ مثال  کے طور پر مقدمہ کی پیروی کے لیے مثلاّ ایک شخص خود  بیرون ملک ہے، یا وہ بیمار ہے تو وہ اپنی جگہ کسی کو یہ  اختیار دیتا ہے کہ میری طرف سے عدالت میں پیش ہونا  ڈاکومنٹس پیش کرنا، وکیل مقرر کرنا وغیرہ وغیرہ۔ اسی طرح اگر ایک پراپرٹی  جس ک ی دیکھ بھال مالک خود نہیں کر سکتا تو وہ کسی کو  اختیار دیتا ہے کہ اس پراپرٹی کی دیکھ بھال  کرے ،  تو  اس طرح کا جو مختار نامہ ہوتا ہے ، وہ مختار خاص کہلاتا ہے۔  اسٹامپ پیپر پر اس کو تیار کیا جاتاہے اور  نوٹری پبلک سے اسے تصدیق کرایا جاتا ہ ے۔  مختارنامہ عام وہ ہے جس کے ذریعے آپ اپنی پراپرٹی کا  مکمل اختیار کسی  دوسرے شخص کو سونپ دیتے ہیں ۔ کہ   وہ  اس کو فروخت کر سکتا ہے۔ ایسا مختار نامہ تیار کرنے کے لیے  آپ کو ملکیت کا ثبوت چاہیے ہوتا ہے۔ ایسے  مختارنامہ  کو سب رجسٹرار آفس میں  رجسٹر کرایا  جاتا ...
مزید پڑھیں