What is shamlat / How many types of shamlat / شاملات

بسم اللہ الرحمٰن الرحیم

 السلام علیکم

 یہاں ہم آپ کو شاملات کی اقسام کے حوالے سے بتائیں گے۔ امید ہے کہ آپ کو یہ معلومات فائدہ دے گی۔



 شاملات کو آپ تین قسموں میں تقسیم کر سکتے ہیں۔ 

ایک وہ شاملات ہے جسے آبادی دہیہ کہتے ہیں۔جو کہ گاؤں کی پرانی آبادی ہوتی ہے ، اسے لال لکیر اور خسرہ آبادی بھی کہا جاتا ہے۔ یہ شاملات ہے لیکن اس کی نوعیت تھوڑی مختلف ہوتی ہے اس کا ریکارڈ محکمہ مال کے پاس نہیں ہوتا سواۓاس کے کہ ان کے پاس پورے علاقے کا ایک خسرہ نمبر ہوتا ہےاور یہ معلوم ہوتا ہے کہ اس خسرہ کا کل رقبہ کتنا ہے لیکن اس خسرہ میں کس کس نے گھر بنا رکھا ہے یہ انہیں معلوم نہیں ہوتا۔ 



اب آ جائیں شاملات کی دوسری قسم کی طرف 

اسے شاملات دیہہ کہا جاتا ہے۔یہ وہ شاملات ہے جو بعض جگہوں پر آپ کو ہزاروں کنال کے حساب سے بھی ملے گی، اس کے باقاعدہ خسرہ نمبر ہوتے ہیں، ہر خسرہ نمبر پر کسی نہ کسی خاندان کا قبضہ بھرا ہوتا ہےلیکن کسی خاندان کا قبضہ بھرے ہونے کا مطلب یہ نہیں ہےکہ اس کی اتنی ہی جگہ بنتی ہے، جتنی اس کی ادھر حصہ داری لکھی ہوئی ہے، جب کبھی بھی شاملات تقسیم ہو گی (اور وہ کب تقسیم ہوتی ہے جب اس موضع کے پچاس فیصد سے زیادہ لوگ درخواست دیتے ہیں کہ شاملات کو تقسیم کیا جاۓ) تب شاملات تقسیم ہوتی ہے۔اس وقت  پتا چلتا ہے کہ فلاں شخص کے پاس سو کنال تھی لیکن یہ مالک ستر کنال کا تھا ، جو تیس کنال اس کے پاس فالتو ہے وہ اس سے لے کر اسے دے دی جاتی ہے جس کے پاس کم ہوتی ہے، یہ ہو گی شاملات دیہہ کی تقسیم۔



اب آ جائیں شاملات کی تیسری قسم کی طرف

یہ وہ شاملات ہے جو مفادِ عام کے لیے ہوتی ہے، اس سےمراد  چھپڑ، قبرستان ، مسجد ، کھیل کا میدان، وغیرہ ہے۔ یہ مفیدِ عام کی جگہیں ہیں یہ کبھی بھی تقسیم نہیں کی جا سکتیں اور نہ فروخت کی جا سکتی ہیں، ان جگہوں کا مالک پورا گاؤں ہوتا ہے۔


 شاملات کے حوالے سے ہماری متفرق ویڈیوز بھی موجود ہیں جو کہ آپ  یوٹیوب چینل پر دیکھ سکتے ہیں ۔ 

  https://youtu.be/HK_IfucJOxM

اس کے علاوہ پراپرٹی سے متعلق کسی بھی قسم کی رہنمائی کے لیے آپ واٹس ایپ پر رابطہ کرسکتے ہیں۔

WhatsApp Only

00923455710272

https://wa.me/923455710272



اس بلاگ سے مقبول پوسٹس

اسٹام پیپر پر خریدی گی زمین کو کیسے محفوظ کیا جا سکتا ہے؟

بسم اللہ الرحمٰن الرحیم  السلام علیکم  جب آپ سٹام پیپر پر کوئی رقبہ یا مکان خرید لیتے ہیں، تو ایسے اسٹام پیپر کو کیسے محفوظ بنا سکتے ہیں۔ اس کی قانونی ویلیو کو کیسے بڑھا سکتے ہیں، کہ اگر کل کو  معاملہ عدالت میں چلا جائے تو اسٹامپ پیپر آپ کے کام آ سکے۔ سب سے پہلے تو یہ ذہن میں رکھیں کہ جب بھی زمین فروخت کی جاتی ہے، تو سیل مکمل اسی صورت میں ہوتی ہے جب خریدار کو قبضہ مل جاتا ہے، اور بیچنے والے کو اپنی رقم مل جاتی ہے۔(رجسٹری کروانے کا مکمل طریقہ اس لنک میں موجود ہے) ۔ https://youtu.be/fYG-8NXg4iE  جب یہ  کام مکمل ہو جاتے ہیں، تو آپ سب رجسٹرار آفس میں جا کے رجسٹریشن کروا دیتے ہیں۔ رجسٹری  آپ کا ٹائٹل ڈاکومنٹ، ملکیت کا ثبوت ہو گا۔   زمین کی فروخت کا ایک دوسرا طریقہ جو ہمارے ہاں رائج ہے اور بہت کثرت کے ساتھ لوگ اس کو استعمال کرتے ہیں۔ وہ یہ کہ آپ زمین کی قیمت دے دیتے ہیں زمین کا قبضہ لے لیتے ہیں۔ لیکن ایک اسٹام کے اوپر اپنا یہ معاہدہ تحریر کر دیتے ہیں رجسٹری نہیں کراتے ایسے اسٹام کی اہمیت انتہائی کم ہے۔  مثال کہ طور پر آپ نے پچاس لاکھ روپے کی پراپرٹ...
مزید پڑھیں

مختار نامہ خاص اور مختار نامہ عام میں کیا فرق ہے؟

 بسم اللہ الرحمٰن الرحیم السلام علیکم  مختار نامہ خاص اور مختار نامہ عام میں کیا فرق ہے ۔  مختار نامہ خاص کسی خاص مقصد کے لیے دیا جاتا ہے۔ مثال  کے طور پر مقدمہ کی پیروی کے لیے مثلاّ ایک شخص خود  بیرون ملک ہے، یا وہ بیمار ہے تو وہ اپنی جگہ کسی کو یہ  اختیار دیتا ہے کہ میری طرف سے عدالت میں پیش ہونا  ڈاکومنٹس پیش کرنا، وکیل مقرر کرنا وغیرہ وغیرہ۔ اسی طرح اگر ایک پراپرٹی  جس ک ی دیکھ بھال مالک خود نہیں کر سکتا تو وہ کسی کو  اختیار دیتا ہے کہ اس پراپرٹی کی دیکھ بھال  کرے ،  تو  اس طرح کا جو مختار نامہ ہوتا ہے ، وہ مختار خاص کہلاتا ہے۔  اسٹامپ پیپر پر اس کو تیار کیا جاتاہے اور  نوٹری پبلک سے اسے تصدیق کرایا جاتا ہ ے۔  مختارنامہ عام وہ ہے جس کے ذریعے آپ اپنی پراپرٹی کا  مکمل اختیار کسی  دوسرے شخص کو سونپ دیتے ہیں ۔ کہ   وہ  اس کو فروخت کر سکتا ہے۔ ایسا مختار نامہ تیار کرنے کے لیے  آپ کو ملکیت کا ثبوت چاہیے ہوتا ہے۔ ایسے  مختارنامہ  کو سب رجسٹرار آفس میں  رجسٹر کرایا  جاتا ...
مزید پڑھیں