پنجاب حکومت کا اسٹامپ پیپر ختم کرنے کا فیصلہ

بسم اللہ الرحمٰن الرحیم

 اسلام علیکم

 

اس فورم پر ہم آپ کو زمینوں سے متعلق قانونی معلومات فراہم کرتے ہیں۔ آپ کے سوالات کے بھی جوابات دینے کی کوشش کرتے ہیں۔

 ساتھ ساتھ زمینوں سے متعلق گورنمنٹ جب بھی کوئی نئی پالیسی تیار کرتی ہے، تو ہماری کوشش ہوتی ہے کہ وہ بھی آپ کے ساتھ شئیر کی جائے۔ تاکہ آپ کو آنے والی تبدیلیوں کے حوالے سے باخبر رکھا جا سکے۔

  آپ جانتے ہیں کہ  زمین کی فروخت کا معاہدہ ہو یا کوئی بھی اور معاہدہ تو اسے اسٹام پیپر  پر تیار کیا جاتا ہے۔                  

 لیکن اب پنجاب گورنمنٹ اسٹام پیپرز کو مکمل طور پر ختم کرنے لگی ہے۔ اسٹام پیپرز ختم کرکے (وائٹ پیپر) کے نام سے یعنی ایک سادہ سفید پیپر لایا جائے گا۔ جو کہ بینک سے ملے گا۔ اس پیپر کے اوپر بارکوڈز ہوں گے۔ جس کو سکین کر کے  اس کی تصدیق کی جا سکے گی۔

 اسٹام پیپر مکمل طور پر ختم اور تمام معاہدے اس وائٹ پیپر پر تحریر ہوا کریں گے ۔ گورنمٹ کا کہنا یہ ہے کہ ان اسٹام پیپرز کو چھاپنے پر حکومت پنجاب کا سالانہ ایک ارب روپیہ خرچ ہوتا ہے۔ حکومت کا کہنا ہے کہ اس طریقہ سے اس پیسے کی بچت ہوا کرے گی۔ 

یہ آئیڈیا موجودہ سینیر ممبر بورڈ آف ریونیو بابر حیات تارڑ صاحب کا ہے جو اس کے علاوہ بھی سسٹم میں کافی تبدیلیاں لا رہے ہیں اب دیکھیں کل کو اس نئے طریقے سے کیا فائدہ اور نقصان ہوتا ہے۔